01.01.2021

Мана, 2020 йил ҳам тарих саҳифаларидан ўрин олди. Якунига етган йил жамоамиз учун омадли ўтди, десак муболаға бўлмайди. “Қўқон-1912” жамоаси 2020 йилда кўплаб ёрқин лаҳзаларни бошдан кечирди. Футболчиларимиз йил давомида ўзларининг ажойиб ўйинлари билан мухлисларимизни хурсанд этишди. Ўтган мавсумда жамоамиз тақдим этган ёрқин лаҳзаларни, ғалаба онларини ишқибозлар мароқ билан ёдга олишади. Жамоамиз суперлигада 5-ўринни қўлга киритиб ўз тарихидаги энг юқори натижани такрорлади.

Янги йилда ҳам янги марралар кўзланмоқда. “Қўқон-1912” жамоаси 2021-йилги футбол мавсумига ўзгача кайфиятда тайёрланмоқда. Мақсадимиз суперлигада ҳамда Ўзбекистон кубоги баҳсларида совринли ўринлар учун курашиш.
“Қўқон-1912” футбол клуби раҳбарияти, мураббийлар штаби, футболчилари барча юртдошларимизни, азиз мухлисларимизни янги йил билан самимий муборакбод этади.
Янги йил ўзи билан бирга ҳар бир уйга, хонадонга, ҳар бир юртдошимизга улкан ўзгаришлар, яхшиликлар, янгиликлар ва улкан ютуқлар олиб келсин. Ватанимиз тинч, халқимиз омон бўлсин! Янги йилда стадионларимиз мухлислар билан тўлиб тошсин !
2021 йил ҳаммангиз учун саломатлик, тўкинлик, тотувлик, бахтда тўкислик ва омадлар йили бўлсин!!!
Янги йил барчамизга муборак бўлсин!