23.01.2021

 

Ҳар йили январь ойи охирида Фарғонада ҳақиқий футбол байрами ҳукмронлик қилади. Бир неча йилдирки, Фарғонада янги йилнинг биринчи ойида “Вилоят ҳокими кубоги” баҳслари бўлиб ўтади. Одатимизга кўра, биз ҳам мазкур турнирга бағишланган кундалигимизни бошлаймиз.

 

Мукофотлар

Жорий йилги мусобақа олдинги йиллардан тамоман фарқ қилмоқда. Бу йил биринчи марта ғолибларга пул мукофотлари бериладиган бўлди.

Мусобақа ғолиблари

1 ўрин учун 50. Миллион сўм

2 ўрин учун 30. Миллион сўм

3 ўрин учун 20. Миллион сўм

Пул мукофатлари ва Фарғона вилояти Ҳокими Кубоги билан тақдирланади.

Бу йилги турнир ҳам ҳалқаро мақомига эга бўлиб олдинги йилдагисидан анча қизиқарли ўтиши кутилмоқда. Мусобақада Суперлига ва Про-лиганинг кучли жамоалари иштирок этишмоқда. Айниқса, “Бунёдкор” ва “Бухоро” клубларининг турнирга ташриф буюриши мусобақа савиясини ошишига сабаб бўлди.

 

Тўрт ўйин

Мусобақанинг биринчи кунида футбол ишқибозлари тўртта учрашувнинг гувоҳига айланишди. Бугунги баҳслар орасида “Нефтчи” ва “Турон” иштирокидаги ўйинлар кўпчиликда қизиқиш ўйғотгани бор гап. Кутилганидек, ҳар икки жамоа иштирокидаги ўйинлар шиддатли ва кескин курашлар остида ўтди.

 

Турнирнинг биринчи голи

“Вилоят ҳокими кубоги-2021” турнирининг биринчи голи муаллифи – “Турон” футболчиси Ғиёс Комилов бўлди. “Навбаҳор-2” жамоасига қарши кечган учрашувнинг 6-дақиқасида яйпанликлар ҳисобни очишди. Ушбу гол Ғиёс Комилов ҳисобига ёзилди ва бу футболчининг 2021 йилги мусобақанинг биринчи голини киритган ўйинчи сифатида тарихда қолди.

 

Биринчи пенальти

“Вилоят ҳокими кубоги-2021” турнирининг биринчи куни қизиқарли воқеаларга бой бўлмоқда. Бугунги баҳсларда мухлислар турнирнинг биринчи пенальтисига ҳам гувоҳ бўлишди. “Турон” – “Навбаҳор-2” ўйинининг 55-дақиқасида яйпанликлар дарвозасига пенальти белгиланди ва бу пенальтини наманганлик футболчи аниқ амалга оширди.

 

Биринчи автогол

Чиндан ҳам мусобақанинг биринчи куни жуда қизиқарли тарзда ўтди. Биринчи гол ва биринчи пенальтидан кейин мухлислар биринчи автоголга

ҳам гувоҳ бўлишди. Бу воқеа ҳам “Турон” – “Навбаҳор-2” баҳсига тўғри келди. 78-дақиқада “Навбаҳор-2” ҳимоячиси Абдумуталов ўз дарвозасини ишғол қилиб қўйди.

 

“Нур Баткен” сафидаги ўзбекистонлик футболчилар

Маълумки, бу йилги баҳсларда Қирғизистоннинг “Нур Баткен” жамоаси ҳам мусобақада иштирок этмоқда. Бугун бўлиб ўтган баҳсларда қирғизистонликлар сафида бир қатор фарғоналик футболчилар тўп суришди. Булар Алишер Пахриддинов, Нодир Камолов Иззат Ғаниев ва Жўрабек Ёқубовлардир.

 

Бугунги ўйинлар якунланди

Бугунги ўйинларда “Турон”, “Нур Баткен”, “Нефтчи” ва “Истиқлол” жамоалари ғалаба қозонишди. “Турон” ва “Нефтчи” клублари биринчи турда рақиблари дарвозасига тўрттадан тўп киритишди.

 

🏆”ВИЛОЯТ ҲОКИМИ КУБОГИ- 2021″

🏁 А-гуруҳи

1-тур.

“Нур – Баткен” – “Андижон-2” – 2:0 (0:0)

Голлар: Умар Айбашев 67, Иззат Ғаниев 72.

“Нур Баткен”: Пахруддинов Алишер, Зайналов Заирбек, Абдумалик Улу Эламон, Шадиев Эмил, Асанбеков Талғат, Ғаниев Иззатбек, Камолов Нодирхон, Якубов Журабек, Неъматов Фарход, Умурзақов Дилшодбек, Маматкаримов Рахмон.

Захира: Таштанов Мелис, Ақилбек улу Қурбонбек, Эргашали Улу Эмилбек, Тоқтаназаров Достонбек, Мавлонбек улу Адилет, Жанишев Равшан, Аўбашов Умар.

“Андижон-2”: Қобилжнов Жохонгир, Абдумухторов Аслиддин, Маруфхўжаев Яхёхон, Маматказин Артур, Қаххоров Озодбек, Махамаджонов Абулазиз, Абдуқахоров Дилмурод, Абдуқаҳҳоров Фаррух, Шарипов Пулат, Мўминов Отабек, Полвонов Юрсинали

Захира: Халилов Диёр, Холматов Холмухаммад, Аббосхонов Мухаммадризо, Қучқоров Рустам, Каримбердиев Диёр, Немутуллаев Хикматилло, Иброхимов Мухаммадазиз

 

1-тур

“Нефтчи” – “Пахтакор-79” – 4:0 (2:0).

Голлар: Худойшукур Сатторов – 24, 58, Абдуллох Олимов – 34, Шерзод Каримов – 72 (пен).

“Нефтчи”: Акбар Тўраев, Шодиёр Хожиматов, Шавкат Муллажонов, Тохир Шамсиддинов, Сайдулло Рахматов, Худойшукур Сатторов, Шерзод Каримов, Аъзам Алиев, Абдул Азиз Юсупов,  Отабек Зокиров, Абдуллох Олимов

Захира: Шуҳратилло Рахмонов, Машхур Мухаммаджонов, Умар Адхамзода, Сарвар Солиев, Дарко Станоевич, Жасур Абдулбеков.

“Пахтакор-79″: Жасур Турғунов, Диёр Ханимжонов, Санжар Тошпўлатов, Диёр Исоқжонов, Бобур Каримов, Бобур Мамажонов, Ориф Юсупов, Дилшод Қаюмов, Рашид Валихонов, Омад Исмоилов, Хаёт Сотволдиев

 

 

🏆”ВИЛОЯТ ҲОКИМИ КУБОГИ- 2021”

🏁 В гуруҳи

1-тур

“Турон” – “Навбаҳор-2” 4:1 (1:0)

Голлар: Ғиёс Комилов 6, Фозил Мусаев 55, Миржалол Абдумуталов, 78-авт, Орипхўжа Абдухолиқов, 90. – Абдурасул Каюмбаев, 59.

“Турон”: Ислом Абдуллаев, Жаҳонгир Меҳмонов, Ғиёс Комилов, Абдуқаҳҳор Ҳожиакбаров, Ғолиббек Сарибоев, Музаффар Музаффаров, Жавоҳир Соҳибов, Абдураҳмон Абдулхақов, Абдулазизхон Абдурашидов, Дониёр Исмоилов, Жасурбек Хакимов.

Захира: Акмал Ортиқов, Аслиддин Тоштемиров, Достонбек Мелиқўзиев, Исмоилжон Охунжонов, Фозил Мусаев, Суннатилло Эрматов, Билолхон Тошмирзаев, Асилбек Қаюмов, Даврон Умиров, Орипхўжа Абдухолиқов.

 

1-тур

“Истиқлол” – “Уз Тонг Хонг Ко” – 3:2 (2:2)

Голлар: Анвар Хожимирзаев – 18, Даврон Исоқов – 28, Илҳом Ваҳобов – 47.

“Истиқлол”: Нодир Ашурматов, Абдуҳолиқ Қурбонов, Илҳом Ваҳобов, Аҳрор Ўктамов, Дилёр Ирматов, Хушнуд Бозоров, Сардор Сотволдиев, Павел Смоляченко, Элёр Мамасолиев, Даврон Исоқов, Анвар Хожимирзаев.

Захира: Мансур Саидов, Шоҳруҳ Бойқўзиев, Мўйдин Мамазулунов, Миржамол Неъматов, Раҳматилло Ўктамов, Элёр Мўйдинов, Павел Смоляченко, Достон Ўринбоев.

 

Эртага “дерби”лар куни

Эртага яна иккита гуруҳда биринчи тур учрашувлари бўлиб ўтади. Ўйинлар орасида “Водий дербиси” номини олган “Қўқон-1912” – “Андижон” учрашувига бўлган қизиқиш жуда юқори эканлигини таъкидлаш жоиз. Бундан ташқари, “Турон-2” – “Нефтчи-2” ўйини ҳам шиддатли ўтишини тахмин қилиш мумкин. “Дерби”лар кунида шунингдек, Бухоро вилоятининг икки жамоаси ҳам ўзаро майдонга тушади.

АНОНС

🏆”ВИЛОЯТ ҲОКИМИ КУБОГИ- 2021″

🏁 С-гуруҳи

▶️1-тур.

📆24 январь.

🏟«Нефтчи СК» стадиони

⚽️«Бунёдкор» – «Навбаҳор фарм»

⏱11:00.

⚽️ «Турон-2» – «Нефтчи-2»

⏱14:00

 

🏁 D-гуруҳи

▶️1-тур.

📆 24 январь.

🏟ФарДУ стадиони

⚽️ «Бухоро» – «Ғиждувон»

⏱11:00.

⚽️«Қўқон-1912» – «Андижон»

⏱14:00

 

Аброр Деҳқонов тайёрлади