04.03.2021
“Қўқон-1912” жамоаси янги мавсум олдидан сўнгги ўртоқлик учрашувини ўтказди. Вакилларимиз Наманганда “Навбаҳор” клубига қарши майдонга тушишди. Учрашув кутилганидек, “дерби”га хос шиддатли ва кескин курашлар остида ўтди.
Биринчи бўлимда қўқонликлар ҳужумчиси Мўмин Мелиев ҳисобни очди. 38-дақиқада Холмуҳаммедов бурчакдан тўпни тўғри дарвозага йўллаган эди. Ўткир Юсупов зарбани муштлари билан қайтариб юборди. Кейинги вазиятда футболчиларимиз яна рақиб жарима майдончасига тўпни узатишди. Бу вазиятда Юсупов хатога йўл қўйди. Вазиятдан Мўмин Мелиев унумли фойдаланиб рақиб дарвозасини аниқ нишонга олди. Танаффусга жамоалар шу ҳисобда чиқиб кетишди.
Иккинчи бўлим ҳам худди биринчиси каби жанговар руҳда бўлиб ўтди. Ҳар икки жамоада голга тортадиган вазиятлар кўп бўлди. Аммо имкониятлар фойдалана олмаслик натижасида ҳисоб ўзгаришсиз қолаётган эди. Бироқ, учрашув тугашига 9 дақиқа қолганида Иван Соловьёвнинг гол уриб ҳисобни тенглаштирди. Майдоннинг рақиб томонида футболчиларимиз томонидан йўл қўйилган хато, охир оқибат ҳисобни тенглашишига олиб келди.
Мазкур баҳсни жамоамиз бош мураббийи Бахтиёр Ашурматов бироз бетобликлари сабаб ўтказиб юборганини ҳам айтиш ўтиш жоиз. Биз жамоамиз ҳамда мухлислар номидан Бахтиёр Аъзамовичга соғлик тилаймиз !
Назорат учрашуви
“Навбаҳор” – “Қўқон-1912” 1:1 (0:1)
Голлар: Иван Соловьёв (81) – Мўмин Мелиев (38)
“Навбаҳор”: Ўткир Юсупов, Даврон Ҳошимов, Игорь Голбан, Азимжон Аҳмедов, Мирзоҳид Ғофуров, Марко Путинчанин, Сардор Теляков, Аббос Ғуломов, Иван Соловьёв, Эҳсони Паншанбе, Славиша Стоянович.
Захира: Раҳимжон Давронов, Никола Тасич, Хушнуд Авилов, Мирзоҳид Мирзамаҳмудов, Фарҳод Мираҳматов, Қувондиқ Рўзиев, Ислом Исоқжонов, Шерзод Ғуломжонов, Забиҳилло Ўринбоев, Шоҳруҳ Маҳмудҳожиев, Ҳусайн Эргашбоев, Илҳом Алибоев.
“Қўқон-1912”: Музаффар Абдуллаев, Бобур Акбаров, Славко Лукич, Асадбек Собиржонов, Фарҳод Бекмуродов, Шоҳназар Норбеков, Мўмин Мелиев, Муҳаммаданас Ҳасанов, Иван Йосович, Мурод Холмуҳаммедов, Якуба Бамба.
Захира: Элдор Адҳамов, Хуршид Хўжаев, Илҳом Ваҳобов, Сардор Азимов, Авазхон Маматхўжаев, Анваржон Хожимирзаев, Иқбол Маликжонов, Александр Мерзляков, Жамшид Раҳматуллаев, Андрей Сидоров.
