01.08.2021

Бундан бир неча дақиқа олдин Яйпандаги “Ўзбекистон” стадионида Coca Cola  суперлигаси 13-тур тур доирасидаги “Қўқон-1912” – “Навбаҳор” учрашуви бўлиб ўтди. “Водий дербиси” мақомини олган мазкур баҳс кутилганидек, шиддатли кураш остида ўтди.

Илк дақиқалардан вакилларимиз ҳужумга зўр беришди. Аммо 13-дақиқада меҳмонлар жарима тўпидан кейин ҳисобни очишди. Азим Аҳмедовнинг кучли зарбаси дарвозамиздан ўрин олди. Голдан кейин вакилларимиз катта куч билан ҳужумга зўр беришди. Рақибларимиз эса қарши ҳужумлардан самара келтиришга интилди. Аммо танаффусга қадар ҳисоб ўзгармади.

Иккинчи бўлим ҳам худди биринчиси каби вакилларимизнинг фаолиги билан бошланди. 55-дақиқада Мурод Холмуҳаммедовнинг кучли зарбаси дарвозадан бироз юқорилаб кетди.

60-дақиқада бурчак зарбасидан кейин Муҳаммаданас Ҳасанов тўпни тўғри дарвозага йўллаган эди, бирозгина аниқлик етишмади. 62-дақиқада Холмуҳаммедовнинг узатмасидан сўнг Йосовичда жуда қулай имконият юзага келди. Иван тўпни сал баландлатиб юборди. 81-дақиқада қарши ҳужумларнинг бирида захирадан майдонга тушган Сардор Теляков рақибларнинг комбинациясини маромига етказиб якунлади. Сардор Теляков деярли бирга-бир вазиятда дарвозамизни аниқ нишонга олди. Ҳакам томонидан қўшиб берилган дақиқаларда Холмуҳаммедовнинг бурчакдан тепган тўпи рақибларга тегиб дарвоза тўридан жой олди. Шу тариқа, “Водий дербиси”да Наманганликлар ғалаба қозонишди.

 

Coca Cola  суперлигаси

 13-тур

“Қўқон-1912” – “Навбаҳор” – 1:2 (0:1)

Ҳакамлар: Аҳрол Рисқуллаев, Ришат Нугманов, Дониёр Сайлавов, Акмал Раҳимов.

Назоратчи: Александр Попов.

Комиссар: Муҳаммад Содиқ Содиқ-Охунов.

Голлар: Мурод Холмуҳаммедов (90+6). – Азим Аҳмедов (13), Сардор Теляков (81).

“Қўқон-1912”: 1. Музаффар Абдуллаев, 3. Бобур Акбаров, 8. Фарҳод Бекмуродов (19. Суҳроб Бердиев – 67), 10. Шоҳназар Норбеков, 13. Сардор Азимов (91. Якуба Бамба-67), 14. Аваз Маматхўжаев (99. Андрей Сидоров-75), 15. Ойбек Рустамов, 22. Муҳаммаданас Ҳасанов (11. Мўмин Мелиев – 85), 23. Александр Мерзляков (5. Славко Лукич – 85), 33. Иван Йосович, 70. Мурод Холмуҳаммедов.

Захира: 46. Хуршид Ходжаев, 4. Илҳом Ваҳобов, 18. Анвар Ҳожимирзаев, 20. Иқбол Маликжонов.

“Навбаҳор”: 1. Ўткир Юсупов, 4. Боян Цигер, 7. Азим Аҳмедов, 9. Иван Соловьёв, 10. Қувондиқ Рўзиев (8. Сардор Теляков -72), 14. Коста Гуттинер (95. Забиҳилло Ўринбоев – 80), 19. Мирзоҳид Ғофуров, 20. Иброҳим Ғанихонов (11. Исломжон Исоқжонов – 67), 22. Игорь Голбан, 24. Даврон Ҳошимов, 88. Боян Найденов.

Захира: 35. Раҳимжон Давронов, 5. Хушнуд Авилов, 17. Эҳсони Паншанбе, 28. Илҳом Алижонов, 33. Мирзоҳид Мирзамаҳмудов.