19.08.2021

Ўзбекистон кубоги учун бўладиган ўйинлар сабабли суперлига ўйинларида қисқа муддат танаффус юзага келди. Сўнгги тур ўйинида, сафарда “Қизилқум” жамоаси билан жанговор дуранг қайд этган “Қўқон-1912” жамоаси кечадан навбатдаги тур ўйинларига тайёргарлик кўриш учун ўз машғулотларини бошлади.
Бахтиёр Ашурматов шогирдлари Қўқондаги ўз қароргоҳларида йиғилишди ҳамда “Марказий” стадионида машғулотларни олиб боришади. Кечаги машғулотларда  кичик жароҳати сабабли, легионерларимиз  Иван Йосович ҳамда Якуба Бамбалар иштирок этишмади. Қолган барча футболчилар машғулотларни кўтаринки руҳда ўтказишди.
“Шунқорлар” суперлиганинг навбатдаги 16-тур учрашувини ўз майдонларида Термизнинг “Сурхон” жамоасига қарши ўтказишади.Бу ўйин 25-август кунига белгиланган. Қуйида кечаги машғулотлардан олинган суратларни томоша қилинг.