28.09.2021

“Қўқон-1912″ жамоасининг мураббийлар штаби ,”Андижон” билан бўлиб ўтган ўйиндан сўнг футболчиларга дам олиш учун имкон беришмади. Жамоа аъзолари “водий дербиси”нинг эртаси куниёқ навбатдаги ўйинга тайёргарликни бошлаб юборишган.

Суперлиганинг 21-турида жамоамиз ўз майдонида Тошкентнинг “Пахтакор” жамоасини қабул қилади. “Шер”ларга қарши Қўқондаги ўйинлар доим муросасиз курашларга бой тарзда бўлиб ўтган. Бу сафарги баҳс ҳам шиддатли тус олиши аниқ . Шу сабабали жамаомиз мураббийлар штаби ушбу учрашувга футболчиларни ҳар томонлама пухта тайёрлаш учун тинимсиз меҳнат қилишмоқда.
“Қўқон-1912” – “Пахтакор” ўйини 1 октябрь куни , Қўқондаги “марказий” стадионида бўлиб ўтади.