25.01.2022

Фарғона шаҳрида анъанавий тарзда “Фарғона вилояти ҳокими кубоги” мусобақаси ўтказиб келинишидан хабарингиз бор албатта. Бу йил ҳам бу анъана давом этади. Бугун Фарғонада “Хоким кубоги-2022” старт олади.

Бугун мусобақанинг “В”, “Д” ҳамда “С” гуруҳларида ўйинлар бўлиб ўтади. “Қўқон-1912” жамоаси жой олган “А” гуруҳида эса ўйинлар эртадан бошланади. Фарғонадаги турнир ўйинлари “Нефтчи СК” ҳамда “ФарДУ” стадионларида бўлиб ўтади.
Бахтиёр Ашурматов бошчилигидаги “шунқорлар” бугун Қўқон шаҳридаги қароргоҳларида тўпланишади ҳамда “Хоким кубоги” мусобақасига тайёргарликни бошлашади. Жамоамиз турнирни Қирғизистоннинг “Алай”(Ош) жамоасига қарши ўйин билан бошлашади. Мазкур ўйин эртага, 26 январь куни Қиргулидаги “Нефтчи СК” стадионида , соат 14:00да бошланиши белгилаб қўйилган.