07.02.2022

Футбол миллионлар ўйини! Футбол мухлислар учун ўйналади. “Қўқон-1912” жамоаси ўз мухлислари билан мунтазам алоқада бўлиб, жамоадаги ўзгаришлар ҳақида маълумот бериб, мухлислар фикрини ўрганиб боради. Бугун “Қўқон-1912” жамоаси президенти Бахтиёржон Толипов жамоанинг мухлислар клуби аъзолари билан учрашув ўтказдилар. Учрашувда жамоа раҳбари ўтган йил якунлари ҳамда жамоамизнинг янги мавсумга тайёргарлиги борасида маълумот бердилар.Шунингдек мухлисларга жамоа таркибида бўладиган ўзгаришлар борасида ҳам , ҳар бир позиция бўйича маълумотлар берилди. Шунингдек мухлислар клуби фаоллари жамоа раҳбарига ўзларини қизиқтирган саволларни бериб, муносиб тарзда жавобларни олишди. Ўзаро баҳс-мунозара тарзида қизғин ўтган учрашув мухлислар клуби аъзоларида яхши таассурот қолдирди. Учрашув сўнггида мухлисларимиз “Қўқон-1912” жамоаси қўлга киритган “Хоким кубоги” билан эсдалик учун суратга тушишди.