01.03.2022

Эртага бўлиб ўтадиган “Нефтчи” – “Қўқон-1912” жамоалари учрашувидан олдин ҳар икки жамоа вакиллари ўйин бўлиб ўтадиган “Ўзбекистон” стадионида расмий машғулотларини ўтказишди. Дастлаб Бахтиёр Ашурматов бошчилигидаги “шунқорлар” Яйпандаги стадион чимини назоратдан ўтказишди. Жамоа аъзолари янги мавсум олдидан “Jako” брендидан янги экипировкалар билан таъминландилар. Футболчилар бугун янги спорт кийимларида расмий машғулотларга етиб келишди. Жамоамиз таркибида эртанги учрашув олдидан ҳеч қандай йўқотишлар йўқ. Футболчиларимиз “дерби”га тайёрлар ва улар эртага ўз мухлисларларини хурсанд қилиш учун майдонга тушадилар.
Қуйида “шунқорлар”нинг бугунги расмий машғулотларидан олинган суратларни эътиборингизга тақдим қиламиз.