21.04.2022

Ўзбекистон кубоги мусобақасининг гуруҳ босқичи 3-туридан ўрин олган “Қўқон-1912” – “Машъал” учрашувидан кейинги матбуот анжуманининг иккинчи қисмида меҳмонлар бош мураббийи Дилявер Ваниев иштирок этди.

Ўйин ҳақида

– Ўйин ҳақида нимани айтиш мумкин? Биз бугун жавобсиз 4 та гол ўтказиб юбориб ютқаздик. Хатолар бор, ишлайдиган жиҳатлар кўп. Тўғри, Суперлига жамоасига қарши ўйнадик, лекин футболчи ҳар доим курашиши, ҳаракат қилиши лозим.

– “Машъал” биринчи бўлимга нисбатан иккинчи бўлимда яхшироқ кўринди. Бунинг сабаби нимада?

– Иккинчи бўлимда ўйин услубларини ўзгартирдик. Барибир бизда хато ва камчиликлар борлиги яққол кўриниб турди. Оддий вазиятларда йигитлар тўпни ҳис қилишда муаммоларга дуч келишмоқда. Биз бу борада футболчилар билан жиддий гаплашиб оламиз.