15.08.2022

Coca Cola Суперлигаси 16-туридан ўрин олган “Қўқон-1912 ” – “ Навбаҳор ” учрашуви 16 август куни Яйпан шаҳридаги “Ўзбекистон” стадионида бўлиб ўтади. “Водий дербиси” олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.

Ўзаро ўйинлар
“Қўқон-1912” ҳамда “Навбаҳор” клублари шу кунгача 33 бор куч синашишган. 8 та учрашувда “Қўқон-1912”нинг қўли баланд келган. “Навбаҳор” 18 та ўйинда ғалаба қозонган. 7 та ўйинда дуранг натижа қайд этилган. Тўплар нисбатида устунлик “лочинлар” томонида: 62-36. “Навбаҳор” ўзаро ўйинларда 61 очкога эга бўлган, “Қўқон-1912” эса 31 очкони қўлга киритган.
Сўнгги бор бу жамоалари ўтган 2022 йилнинг 17 март санасида, суперлиганинг 3-тури доирасида учрашишган. Намангандан бўлиб ўтган ўша ўйинда мезбонлар 2:0 ҳисобида ғалаба қозонишган эди.

Ушбу жамоаларнинг сўнгги саккизта учрашувда қайд этилган натижалари билан танишинг:
17.03.2022 Навбаҳор – Қўқон-1912 – 2:0
27.11.2021 Навбаҳор – Қўқон-1912 – 2:3
01.08.2021 Қўқон 1912 – Навбаҳор – 1:2
03.12.2020 Қўқон 1912 – Навбаҳор – 1:1
28.08.2020 Навбаҳор – Қўқон-1912 – 0:1
01.12.2019 Қўқон 1912 – Навбаҳор – 1:1
10.03.2019 Навбаҳор – Қўқон-1912 – 1:1
31.03.2018 Қўқон 1912 – Навбаҳор – 1:0

Ҳакамлар

Яйпандаги “Ўзбекистон” номли стадионда бўлиб ўтадиган “Қўқон-1912” ҳамда “Навбаҳор” жамоалари ўртасидаги “водий дербиси”ни, Аҳрол Рисқуллаев бошчилигидаги ҳакамлар гуруҳи бошқариб борадиган бўлишди. Рисқуллаев суперлиганинг 1-туридан ўрин олган “Нефтчи”га қарши “дерби”ни ҳам бошқариб борган ва ўша учрашувда вакилларимиз пенальтидан киритилган гол эвазига мағлуб бўлишган эди. Аҳрол Рисқуллаевнинг бу сафарги Яйпанга ташрифи жамоамиз учун омадли бўлишига умид қиламиз. Аҳрол Рисқуллаев бу мавсумда, шу кунгача суперлиганинг 8та баҳсини бошқариб борган. Бу ўйинлар мобайнида ФИФА ҳаками ҳисобланган Рисқуллаев 45 та сариқ ва 2та қизил карточка кўрсатган. Дарвозалар томон эса 5 та пенальти белгилаган.

Cоcа-Cоlа Суперлига. 16-тур
16 август, сешанба
ҚЎҚОН-1912 — НАВБАҲОР
Яйпан. “Ўзбекистон” стадиони. 19:00
Ҳакамлар: Аҳрол Рисқуллаев, Сардор Нишонбоев, Авазбек Абдуллаев, Хушнуд Суюнбоев
VAR ҳаками: Акобирхўжа Шукуруллаев
АVAR ҳаками: Зиёдулло Абдураҳмонов
Назоратчи: Константин Смирнов
Комиссар: Александр Давиденко

Бошланиш вақтлари

“Қўқон-1912” — “Навбаҳор” учрашуви 16 август, сешанба куни, соат 19:00да старт олади. Учрашув Яйпандаги “Ўзбекистон” стадионида бўлиб ўтади.
Ушбу жамоаларнинг ўринбосарлар таркиблари ўртасидаги баҳс эса 18 август куни Қўқондаги 2-БЎСМга қарашли стадионда бўлиб ўтади.

Ҳар икки баҳсда ҳам футболчиларимизга куч-қувват, шижоат ҳамда омад тилаймиз!