17.08.2022
Бугун Ўзбекистон U21-биринчилигида 16 тур учрашувлари бошланди. Қўқондаги 2-БЎСМга қарашли стадионда “Қўқон-1912” U21 – “Навбаҳор” U21 жамоалари ўзаро куч синашдилар. “Водий дербиси” ҳар қандай ёш тоифасида бўлмасин шиддатли ва муросасиз курашларга бой тарзда ўтади. Бу сафарги “кичик дерби” ҳам худди шундай тарзда бўлиб ўтди.
Ўйинда меҳмонлар тезкор гол киритишга эришдилар. 3-дақиқада Комронбек Неъматжонов ўйиндаги ҳисобни очди. Бироқ вакилларимиз ҳам бўш келишмади ҳамда тезда ҳисобни тенглаштиришди. 15-дақиқада Муҳсин Норматовнинг зарбаси дарвоза устунига тегиб қайтди. Қайтган тўпга эса Авазхон Маматхўжаев аниқ зарба бера олди.
26-дақиқада ҳимояда хатога йўл қўйдик. Бундан унумли фойдаланган Тоҳир Рафаэлов жамоасини ҳисобда олдинга олиб чиқди. Дасталаб Дониёр Мирзақаюмовнинг зарбасини Ҳамзахон Хўжаев маҳорат билан қайтарган эди. Тоҳир Рафаэлов эса яқин масофадан деярли бўш қолган дарвозани нишонга олди. 39-дақиқада Исроил Турсунбоев олис масофадан давозамизга жуда чиройли гол киритди. 45-дақиқада Тоҳир Рафаэлов дублга эришиб, ҳисобни янада йириклаштирди. Шундай қилиб 1-тайм 1-4 ҳисобида якунланди.
Ўйиннинг 2-бўлимини футболчиларимиз анча фаол бошлашди. Рақиб дарвозаси олдида кетма-кет ҳужумлар, бурчак зарбаларини амалга оширишди. 69-дақиқада вакилларимиз ҳисобни қисқартиршди. Авазхон Маматхўжаев қарзини узди. Унинг саъйи ҳаракатлари эвазига Норматов қулай вазиятда тўпни қабул қилиб рақиб дарвозасига жойлаб қўйди.Ўйиннинг қолга дақиқаларида ҳам вакилларимиз жуда кўплаб голли вазиятлар яратишди. Бироқ йигитларимиз дарвозага бошқа гол киритишни уддасидан чиқа олишмади. Шу тариқа “кичик дерби”да мағлубиятга учрадик.
Ўзбекистон U21-биринчилигида 16 тур. 17.08.2022.
2-БЎСМ стадиони, Қўқон шаҳри.
“Қўқон-1912” U21 – “Навбаҳор” U21 2-4
Голлар: Авазхон Маматхўжаев(15), Муҳсин Норматов(69) – Комронбек Неъматжонов (3), Тоҳир Рафаэлов (26,45), Исроил Турсунбоев(39)
Ҳакамлар: Хушнуд Суюнбоев, Мақсад Эсонжонов, Михвариддин Абдусаломов, Абубакр Хасанов
Назоратчи: Константин Смирнов
Комиссар: Александр Давиденко
“Қўқон-1912” U21 таркиби:
46. Ҳамзахон Хўжаев, 2.Муҳамадризо Ваҳобов, 14.Авазхон Маматхўжаев(с), 15.Ойбек Рустамов, 20.Муроджон Комилов, 25.Мавсумжон Сайдаҳмедов, 26.Хабибжон Шарипов, 36.Муҳсинжон Норматов, 37.Азизхон Эркинов, 52.Саидакбар Умаралиев, 59.Расулжон Абдураҳмонов
Заҳирада:
42.Шамсиддин Хусанов, 38.Жамшидбек Саидваққосов, 39.Давронбек Сотволдиев, 50.Исмоилжон Матфозилов, 57.Жасурбек Маҳмуджонов, 60.Боҳирбек Бўриев
“Навбаҳор” U21 таркиби:
41.Озодбек Марупов, 9.Владимир Козак, 28.Станислав Андреев, 40.Жаҳонгир Турсунов, 62.Комронбек Неъматжонов, 67.Тоҳир Рафаэлов, 74.Исроил Турсунбоев, 89.Озодбек Ўктамов, 96.Хусан Ғанижонов, 97.Дониёрбек Мирзақаюмов, 98.Даврон Олимжонов.
Заҳирада:
16.Артур Востянов, 39.Шоҳруҳ Худойберганов, 53.Шодиёр Шодибоев, 59.Комрон Абдуллаев, 69. Шерзод Абдулбориев, 78.Муҳамадқодир Абдуллаев, 84.Сарвар Баҳодиров, 86.Достонбек Умаржонов, 110.Лутфуллох Нуритдинов
