20.08.2022
“Қўқон-1912” жамоаси 24 август куни , Ўзбекистон кубогининг 1/8 финал босқичи доирасида, Навоийнинг “Қизилқум” жамоасига қарши майдонга тушади. Даврон Файзиев шогирдлари кечадан мазкур учрашувга тайёргарликни бошлаб юборишган. Футболчиларимиз кеча Тошкент шаҳрида йиғилишди ҳамда “Тўқимачи” стадионида дастлабки машғулотларини ўтказишди. Машғулотларда асосий таркибнинг барча футболчилари иштирок этишмоқда. Фақат Анваржон Хожимирзаев “Навбаҳор” билан ўйинда олган жароҳати боис машғулотларда қатнашмаяпти. Бугун машғулотлар икки маҳал ўтказилса, эртадан бошлаб машғулотлар кунига бир маҳалдан олиб борилиши режалаштирилган. “Шунқорлар” 23 август кунига қадар Тошкент шаҳрида тайёргарликни олиб боришади. 23 август куни эса жамоа аъзолари Навоий шаҳрига етиб боришади.
