08.10.2022
Бугун Ўзбекистон Coca Cola суперлигасида 21-тур ўйинлари давом эттирилди.
Даврон Файзиев бошчилигидаги “Қўқон-1912” жамоаси Яйпандаги “Ўзбекистон” стадионида, Тошкентнинг “Локомотив” жамоасини қабул қилди. “Шунқорлар” сўнгги марта суперлиганинг 8-турида, Тошкентда айнан “Локомотив” устидан ғалаба қозонишган эди. Шундан бери ғалаба нималигини билмай келаётган Қўқонлик футболчилар мазкур ўйинга астойдил тайёргарлик кўришган эди. Бу учрашув турнир жадвали нуқтаи-назаридан қаралганда ҳар икки жамоа учун ҳам финалга тенг ўйин эди.
Учрашув футболчиларимизнинг ҳужумлари остида бошланди. 12-дақиқада Шихов рақиб жарима майдончасига кириб шерикларига аниқ узатма амалга оширмоқчи бўлди, бироқ ҳимоячи унинг фикрини “ўқиди”. 33-дақиқада Мурод Холмуҳаммедов жамоамизни яққол голдан асраб қолди. Муроджон тўпни дарвозамиз чизиғидан қайтариб юборди. 34-дақиқада ҳисоб очилиши мумкин эди. Қарши ҳужумда Шоҳназар Норбеков уч рақиб қуршовидан чиқиб зарба йўллашга муваффақ бўлди. Зарбага бироз аниқлик етишмади. Тайм сўнггида вакилларимиз кетма-кет жарима зарбаларидан самара чиқара олишмади. 1-тайм 0-0 ҳисоби билан якунланди.
60-дақиқада Шоҳназар Норбеков дарвозабонни ҳам алдаб зарба йўллади. Тўп рақиб дарвозасини устунига тегиб майдонни тарк этди. Ўйиннинг 69-дақиқасида Жасур Жалолиддинов майдондан четлатилди, 73-дақиқада Қувондиқ Рўзиевнинг ўрнига Муроджон Комилов майдонга тушди. 17 ёшли футболчи учун бу ўйин суперлигада дебют ўйин бўлди. 75-дақиқада Шихов дарвозабон билан бирга-бир вазиятда боши билан зарба йўллади. Абдумавлон Абдужалиловдан супер сейв кўрдик. Ўйиннинг сўнгги дақиқаларида футболчиларимиз рақиб дарвозаси олдида кўплаб вазиятлар яратган бўлишсада дарвозага тўп киритиш насиб қилмади.
“Қўқон-1912” жамоаси сўнгги марта суперлиганинг 8-турида айнан “Локомотив” устидан ғалаба қозонишган эди. Шундан буён ғалаба қозониш бизга насиб этмаяпти.
8 октябрь, шанба. Суперлига 21-тур.
ҚЎҚОН-1912 — ЛОКОМОТИВ 0-0
Яйпан. “Ўзбекистон” стадиони. 17:00
Ҳакамлар: Акобир Шукуруллаев, Александр Сидоров, Олим Абдувасилов, Хушнуд Суюнбоев
VAR ҳаками: Раҳимбек Каримов
АVAR ҳаками: Бахтиёрхўжа Шавкатов
Назоратчи: Бахтиёр Тагаев
Комиссар: Зоҳиржон Акрамхонов
“Қўқон-1912” таркиби:
21.Ислом Абдуллаев, 5.Славко Лукич,6.Дилшод Раҳматуллаев, 7.Жамшид Хасанов, 8.Санъат Шихов, 11.Шоҳназар Норбеков, 15. Ойбек Рустамов, 17.Қувондиқ Рўзиев, 23. Александр Мерзляков, 33. Иван Йосович, 77.Мурод Холмуҳаммедов (с)
Заҳирада:
1.Музаффар Абдуллаев, 4.Илхом Ваҳобов, 9.Андрей Сидоров, 10. Жавоҳир Сидиқов, 13.Сардор Азимов, 14.Авазхон Маматхўжаев, 20. Муроджон Комилов, 27. Анвар Хожимирзаев, 70.Билолхон Тошмирзаев.
“Локомотив” таркиби:
1.Абдумавлон Абдужалилов, 3. Исломжон Қобилов, 6.Алишер Салимов, 8.Нурмуҳаммад Тошпўлатов, 10.Жасурбек Жалолиддинов, 14.Хуршид Мухторов, 17.Санжар Қодирқулов, 20.Жалолиддин Жумабоев, 22.Манучеҳр Сафаров, 25.Мўминжон Мелиев, 77.Иван Нагаев.
Захира: 13.Рустам Нортожиев, 4.Дилшоджон Комилов, 9.Жавоҳир Алижонов, 19.Этаме Жероме, 21.Ғулом-Ҳайдар Гулямов, 24.Шерзоджон Комилов, 26.Абдуллоҳ Йўлдошев, 27.Ислом Рашидхонов, 98.Маъруф Жумаев.
