04.11.2022

Навоийдан қайтиб келган “шунқорлар” дарҳол кейинги ўйинга тайёргарликни бошлаб юборишди. Жамоа аъзолари бугун Қўқондаги қароргоҳларига тўпланишди ҳамда Қўқондаги “марказий” стадионида машғулотларни ўтказишди. Ноқулай об-ҳаво, ёғиб турган ёмғир ҳам футболчиларимизни машғулотлардан тўхтата олмади. Чунки бизни олдинда, қисқа вақт оралиғида, жуда муҳим иккита учрашув кутиб турибди. Даврон Файзиев шогирдлари навбатдаги 25 тур ўйинида, Тошкентнинг “Бунёдкор” жамоасини қабул қилади. “Қалдирғочлар”га қарши ўйин, 7 ноябрь душанба куни, соат 16:15да, Яйпандаги “Ўзбекистон” стадионида бўлиб ўтади.
Қуйида жамоамизнинг бугунги машғулотларидан олинган суратларни томоша қилинг!