02.12.2022

Якунига етган мавсумга доир статистик маълумотларимизни бериб борамиз. Бугун мавсум-2022да ким қанча ўйнагани ҳақида тўхталиб ўтамиз.
Жамоамизнинг тажрибали ярим ҳимоячиларидан бири Санъат Шихов бу мавсумда “Қўқон-1912” таркибида барча ўйинларда майдонга тушган ягона футболчи сифатида тарихга кирди. Санъатбек барча 26 та тур ўйинларида майдонда кўриниш берди, унинг майдонда ўтказган дақиқалари 1814 дақиқани ташкил қилади.

Мухлисларимизнинг севимли футболчисига айланган Қувондиқ Рўзиев эса 25 та учрашувда майдонга тушган бўлишига қарамай бу мавсум майдонда энг кўп вақт тўп сурган футболчи сифатида қайд этилди. Қувондиқнинг майдонда ўтказган дақиқалари 2160 дақиқани ташкил қилади. Шунингдек маҳоратли ва универсал футболчимиз, Осиё чемпиони Ойбек Рустамов жами 24 та ўйинда майдонга тушган ва 2155 дақиқа майдонда тўп сурди. Сербиялик легионермиз Иван Йосович, мухлисларимиз ёқимтойи Жавоҳир Сидиқов ва дарвозабон Музаффар Абдуллаевлар ҳам ўтган мавсумда бошқаларга нисбатан кўпроқ вақт майдонга тушишганлигини қайд этишимиз лозим бўлади. Жорий мавсумда жамоамиз таркибида уч нафар ёш футболчилар суперлигада ўз дебют ўйинларини ўтказишди. 2022 йилда туғилган Азизхон Эркинов АГМК билан бўлган ўйинда 11 дақиқа майдонда ҳаракат қилган бўлса, 2005 йилда туғилган ёш истеъдод соҳиби Муроджон Комилов “Локомотив”га қарши бўлиб ўтган баҳсда 17 дақиқа майдонда ҳаракат қилди. Шунингдек 2001 йилда туғилган Диёрбек Жалолдинов “Сурхон”га қарши, сафарда бўлиб ўтган баҳсда ўз дебютини ўтказди.   Жамоамиз мураббийлари ўтган мавсумдаги суперлига ўйинларида  умумий 25 нафар футболчининг хизматларидан фойдаланишди.

Футболчи                                            Ўйинлар сони                     Дақиқа

1.Музаффар Абдуллаев                                  19                            1634
2.Исломжон Абдуллаев                                  8                              706
3.Илхомжон Вахобов                                      13                             760
4.Иван Йосович                                                 20                            1692
5.Ойбек Рустамов                                             24                            2155
6.Александр Мерзляков                                 15                            1053
7.Авазхон Маматхўжаев                                 21                            1318
8.Муроджон Холмуҳаммедов                       19                            1549
9.Славко Лукич                                                  18                             973
10.Сардор Етовқўзиев                                      6                               304
11.Қувондиқ Рўзиев                                         25                             2160
12.Жамшид Хасанов                                        18                             1553
13.Жавоҳир Сидиқов                                       21                             1625
14.Дилшод Раҳматуллаев                              19                              970
15.Сардор Азимов                                           21                               1122
16.Санъат Шихов                                             26                               1814
17.Анвар Хожимирзаев                                 18                                473
18.Андрей Сидоров                                        14                                507
19.Шоҳназар Норбеков                                 13                                1523
20.Шаҳзодбек Нурматов                               10                                468
21.Билолхон Тошмирзаев                             24                               1134
22.Муроджон Комилов                                 1                                  17
23.Мўмин Мелиев                                           13                              726
24.Азизхон Эркинов                                         1                                 11
25.Диёрбек Жалолдинов                                1                                  9