15.02.2023

Xabaringiz bor, Qoʻqondagi “Markaziy” stadionda katta hajmdagi taʼmirlash ishlari boshlab yuborilgan. Jamoa rahbariyati bu yil Qoʻqon ahlini stadionga qaytarish, uchrashuvlarni bayramdek oʻtkazish maqsadida katta ishlarni boshlab yuborishgan. Stadion toʻligʻicha taʼmirdan chiqarilmoqda. Shuningdek, maydon chimi borasida ham katta hajmdagi ishlar davom ettirilmoqda va maydon maysasi parvarish qilinmoqda. 1-mart sanasiga qadar esa “Markaziy” stadion yoritgichlarini tayyor qilish reja qilingan.

Taʼmirlash ishlari sababli “Markaziy” stadioni barcha tadbirlar uchun yopilgan.