25.10.2023

Bugun jamoamiz Pro liganing so’nggi turida “G’ijduvon”ni mag’lub etdi va musobaqani ajoyib tarzda yakunladi.

Jamoamiz joriy mavsum boshidagi omadsizliklar qaramasdan ikkinchi davrada ajoyib o’yin ko’rsatgan holda, musobaqa jadvalini 3-o’rinidan joy egallab, Pro liganing bronza medallariga sazovar bo’ldi.

Endi “Qo’qon-1912” jamoasi Superliga yo’llanmasi uchun pley-off bahslarida ishtirok etadi. Jamoamiz 9-noyabr kuni “Mash’al” – “Sho’rtan” uchrashuvi g’olibiga qarshi maydonga tushadi. Har ikki bahs Toshkent shahrida bo’lib o’tadi.

Shuningdek, Superliganing 12-jamoasiga qarshi o’tish o’yini 6-dekabr kuni Pro liga jamoasining maydonida bo’lib o’tadi.

Ishonamizki, “Qo’qon-1912” jamoasi Pro liga pley-off va Superliga o’tish o’yinida g’alaba qozonib, kelasi yil SUPERLIGA bahslarida ishtirok etamiz.

Biz birgalikda katta kuchmiz va xudo xohlasa, buni albatta uddalaymiz!