09.03.2024

Oʻzbekistonda eng zoʻr muxlislari Qoʻqonda deb aytsak adashmagan boʻlamiz. Jamoamiz muxlislarni koʻplab hududlarda hurmat qilishadi.

Kecha “Qoʻqon-1912” jamoasining fidoyi muxlislari, shuningdek, fan-klub aʼzolari oʻrtasida yigʻilish boʻlib oʻtdi. Unda tashkiliy masala koʻrilib, “Qoʻqon-1912” muxlislar yetakchisi saylandi. Yigʻilish qaroriga koʻra, jamoamizning uzoq yillik fidoyi muxlisi Qahramon Isroilov muxlislar yangi yetakchisi sifatida saylandi.

“Qoʻqon-1912” jamoasi muxlislarining yangi yetakchisiga yangi lavozimlarida omad yor boʻlib, boʻlajak mavsumda fan-klub aʼzolari ularning boshqaruvida jamoamizni munosib tarzda qoʻllab-quvvatlab, gʻalabalariga madadkor boʻlishlariga tilakdoshmiz.