15.05.2024

 

Ertaga “Qo’qon-1912” jamoasi Pro liganing navbatdagi turida maydonga tushadi. Raqibmiz — Muborakning “Mashʼal” jamoasi boʻladi. Jamoalar shu paytga qadar chempionat doirasida 19-marta toʻqnash kelishgan. “Mashʼal” oʻyinlarning 7 tasida zafar quchgan, 7 ta bahsda vakillarimiz qoʻli baland kelgan. 5 ta uchrashuvda durang natija qayd etilgan. Toʻplar nisbati – 27-23, “Mashʼal” foydasiga. Oʻzaro oʻyinlarda “Mashʼal” 26 ochkoni qoʻlga kiritgan. “Qoʻqon-1912” ochkosi 26 tani tashkil etadi.

Jamoalarning birinchi davradagi uchrashuvida 0:0 hisobidagi durang natijasi qayd etilgan. Hozirda Pro liganing turnir jadvalida “Mash’al” 15 ochko bilan peshqadamlik qilmoqda. Bizning hisobimizdagi ochkolar soni esa 13 tani tashkil qilmoqda.

“Qo’qon-1912” – “Mash’al” o’rtasidagi uchrashuv ertaga soat 18:00 da “Istiqlol” stadionida start oladi.