22.08.2024

Pro-liganing 17-turidan o‘rin olgan “Aral” – “Qo‘qon-1912” (0:0) uchrashuvidan so‘ng mehmonlar bosh murabbiyi Bahrom Haydarov matbuot anjumanida ishtirok etdi.
O‘yin haqida

– To‘g‘risini aytganda bugungi o‘yinga 3 ochko uchun kelgandik. Nukusda “Aral”ga qarshi o‘ynash oson emas. Bunday maydonda o‘ynash qiyinchilik tug‘diradi. Biroq bu bahona bo‘lishi kerak emas. Yutishni istagan jamoa g‘alaba uchun harakat qilishi kerak. O‘yinimiz chiqmadi. Hisob adolatli deb o‘ylayman, chunki har ikki jamoada ham g‘alabaga bo‘lgan kuchli ishtiyoqni ko‘rganim yo‘q.

– Maydon haqida fikringiz qanday?

– Albatta sun’iy maydon aytib o‘tganimdek, bahona bo‘lishi kerak emas. “Aral” jamoasi bu maydonga bizdan ko‘ra yaxshiroq moslashgan. Lekin g‘alabani istagan jamoa shunga yarasha harakat qilishi kerak. Ishtiyoq bo‘lsa, yutib ketsa bo‘ladi.