13.12.2024

Yakunlangan mavsumda jamoamizning gʻalabalarida oʻz hissasini qoʻshgan Andro Giorgadze matbuot xizmatimiz uchun qisqa intervyu berdi.

“Qoʻqon-1912” jamoasidagi ilk mavsumingiz haqida nima deya olasiz? “Mashʼal” bilan “Qoʻqon-1912” jamoasi oʻrtasida qanday farqlarni sezdingiz?

– Jamoamiz oldiga yil boshida 1-oʻrin bilan Superliga yoʻllanmasini qoʻlga kiritish vazifasi qoʻyilgandi. Shunga qaramasdan vazifani bajardik. Shu yoʻlni bosib oʻtishimiz kerak boʻlgan ekan va biz pley-off orqali elitaga qayta oldik. Yil davomida ogʻir va yaxshi kunlarimiz boʻldik, biz bu yoʻlda bir jamoa boʻlib barchasidan oʻtdik deb oʻylayman. Yakunlanayotgan yildek bir oila boʻla olsak, keyingi mavsumda ham yaxshi natijalarga erisha olamiz.

“Qoʻqon-1912” va “Mashʼal” oʻrtasida farq katta. Biroq aniq sabablarni aytmagan boʻlardim. Chunki sobiq klubimni hurmat qilaman va ular haqida gapirish notoʻgʻri boʻlsa kerak.

Umuman olganda, joriy mavsumdagi oʻyiningizdan qanchalik qoniqdingiz?

– Mavsum davomidagi oʻyinimdan juda qoniqdim deb aytmagan boʻlardim, biroq “Qoʻqon-1912” jamoasini Superliga yoʻl olishda yordam bera oldim deb oʻylayman. Oldimizga qoʻyilgan vazifani bajara oldik. Oʻzimdan 100 foiz qoniqish hosil qilmadim. Biroq xudo xohlasa, keyingi mavsumda oʻzimning oʻyinimdan 200 foiz qoniqish hosil qilishga harakat qilaman.

Bu yilgi chempionat oʻtgan yilgidan nimasi bilan farq qildi?

– Bu yilgi chempionatda kuchsiz jamoaning oʻzi yoʻq edi. Oson oʻyinlar boʻlmadi. 2023-yilgi mavsum bu yilgisidan kuchsizroq edi deb oʻylayman. Bu yilgi jamoalarning saviyasi ancha baland edi.

Yangi mavsumda “Qoʻqon-1912” jamoasi bilan Superligada oʻynaysiz. Yangi mavsumdan nimalarni kutyapsiz?

Yangi mavsumdan barcha jamoalardan yaxshi oʻyinlar kutib qolaman. Barchasi ajoyib boʻlishiga umid qilaman. Yangi mavsumda “Qoʻqon-1912” jamoasi barcha jamoalarga qarshi raqobatdosh jamoa boʻlishi uchun harakat qilamiz. “Qoʻqon-1912” jamoasi bilan uzoq yillar davomida Superligada oʻynashni istayman.

Yil davomida jamoamizni qoʻllab turgan barcha qoʻqonlik muxlislarga minnatdorchilik bildiraman. Yil davomida ular bizni respublikasining qaysi viloyati boʻlishimizga qaramasdan qoʻllab-quvvatlashga harakat qilishdi.