17.01.2025

Superligaga jiddiy tayyorgarlik ko’rayotgan “Qo’qon-1912” jamoasining Toshkentdagi yig’ini yakunlandi. Bir hafta davom etgan mashg’ulotlarda jamoamiz ikkita o’rtoqlik uchrashuvida maydonga tushdi. Dastlab “Xorazm” 2:0 hisobida taslim etilgan bo’lsa, keying bahsda yurtimizning kuchli jamoalaridan biri hisoblanmish OKMK yirik 4:1 hisobida taslim etildi.

Yig’in davomida murabbiylar shtabi bir qator futbolchilarni ko’rikdan o’tkazishdi.

Rejaga ko’ra, “Qo’qon-1912” jamoasining navbatdagi yig’ini Tojikiston Respublikasida tashkil etiladi. Yig’in davomida bir qator o’rtoqlik uchrashuvlari tashkil etiladi.

Jamoamizning Tojikistonga ketadigan tarkibi va bo’lajak raqiblarimiz haqida keyingi xabarlarimizda ma’lum qilamiz.