02.05.2017

Ўзбекистонлик ФИФА рефериси Бахтиёр Намозов Багам оролларида давом этаётган пляж футболи бўйича Жаҳон чемпионати ўйинларидан бирини бошқарди.

Бахтиёр Намозов Польша ва Бразилия ўртасидаги ўйинда бош ҳакам вазифасини бажарди. Унга гуамлик Мигель Лопес ҳамда Соломон ороллари вакили Уго Падо ёрдам берди. Вақт назоратчиси бўлиб Иброҳим ал-Мансурий ишлади.  Ушбу беллашувда бразилияликлар 7:4 ҳисобида ғалаба қозонди.
Аввалроқ ўзбекистонлик ҳакам ЖЧ доирасидаги Бразилия ва Таити (4:1) ўртасидаги ўйинда вақт назоратчиси бўлиб ишлагани ҳақида хабар берилганди.
Маълумот учун, пляж футболи бўйича Жаҳон чемпионати 27 апрель куни старт олди ва унда 16 мамлакат терма жамоаси иштирок этмоқда. Мусобақа 7 май кунига қадар давом этади.

Манба : the-uff.com