02.06.2017

• Халқаро футбол федерацияси (ФИФА) ташкилотга аъзо терма жамоаларнинг янгиланган рейтингини эълон қилди. Унга кўра, Ўзбекистон миллий терма жамоаси 582 очко билан 62-ўриндан жой олди.

  Терма жамоа аввалги кўрсаткичга нисбатан 2 поғона йўқотди. Осиё футбол конфедерацияси (ОФК)га аъзо мамлакатлар орасида Ўзбекистон  термаси ҳамон 6-ўринда бормоқда.

  Эрон терма жамоаси ҳам 2 поғона йўқотган бўлишига қарамай, Осиёда пешқадамликни сақлаб қолди. Кучли учликда ўзгариш юз бермаган.

  1 (30). Эрон – 829 очко;

  2 (43). Жанубий Корея – 703 очко;

  3 (45). Япония – 689 очко;

  4 (48). Австралия – 681 очко;

  5 (53). Саудия Арабистони – 636 очко;

  6 (62). Ўзбекистон – 582 очко;

  7 (75). БАА– 450 очко.

  8 (77). Сурия – 436 очко;

  9 (82). Хитой – 425;

  10 (88). Қатар –374 очко.

  ФИФА рейтингида Бразилия 1715 очко билан пешқадамликни мустаҳкамлаб олди. Иккинчи ўринни Аргентина (1626 очко) эгаллаб турган бўлса, учинчи ўриндан Германия (1511 очко) жой олган. Жадвалда 4–10-ўринларни тегишли равишда Чили, Колумбия, Франция, Бельгия, Португалия, Швейцария, Испания ва Польша (иккаласи 10-ўрин) терма жамоалари эгаллаган.

• Манба: www.the-uff.com