Ўзбекистон футболи
Жаҳон футболи
Фарғона футболи
FC Qo'qon

Создайте свою визитку
Ўзбекистон ПФЛ билан Қирғизистон ПФЛ ўртасида меморандум имзоланди

12.04.2018

  •  Ўзбекистон футбол ассоциациясида Профессионал футбол лигаси Бош директори Омон Ғофуров Қирғизистон Профессионал футбол лига Президенти Нурбек Атаканов ўртасида ўзаро учрашув бўлиб ўтди.Учрашув давомида томонлар мамлакатда футболни ривожлантириш, янги босқичга олиб чиқиш, Халқаро майдонларда Осиё футболи нуфузини ошириш мақсадида амалга ошириладиган чора-тадбирлар бўйича ўзаро фикр алмашдилар.

    Ўз ўрнида Қирғизистон ПФЛ Президенти Нурбек Атаканов Ўзбекистонда футбол шиддат билан ривожланиб бораётганини алоҳида таъкидлаб ўтди: “Футбол бўйича Ўзбекистон миллий чемпионати Суперлигага ўзгартирилгандан сўнг, бу борада катта ҳажмдаги ишлар амалга оширилганига гувоҳ бўлдим. Курашларга, шиддатли ўйинларга бой тарзда ўтаётган чемпионат чинакамига Суперлигага айланиб боряпти. Ўзбекистон Профессионал футбол лигаси Марказий Осиёдаги энг яхшилардан бири эканини инобатга олган ҳолда, бизнинг бу ерда ўрганишимиз керак бўлган жиҳатлар кўп. Шу сабабли бугунги учрашув биз учун ҳар томонлама фойдали эканини алоҳида қайд этиб ўтмоқчиман ”, – дейди Нурбек Атаканов.

    Шундан сўнг Ўзбекистон ПФЛ ва Қирғизистон ПФЛ ўртасида ўзаро ҳамкорлик бўйича меморандум имзоланди.

    Меморандумга кўра томонлар футбол клублари савиясини ошириш, учрашувларга мухлислар жалб қилиш, стадионларда хавфсизликни таъминлаш, футбол инфратузилмаларини яхшилаш, футбол менежменти ва маркетинги бўйича тажриба алмашиш, клублар ўртасида турли мусобақалар, ўртоқлик ўйинлари ташкил этиш, ҳалол ўйин принципларига амал қилиш, ҳамкорликда турли семинарлар ўтказиш, ўсиб келаётган ёш авлод ўртасида соғлом турмуш тарзи ва футболга бўлган қизиқишни ошириш бўйича иш олиб боришади.

    Учрашув сўнгида Ўзбекистон ПФЛ бош директори Омон Ғофуров Қирғизистон ПФЛ Президенти Нурбек Атакановга эсдалик совғалари топширди.

  • Манба: the-uff.com
Суперлига
#КлубЎО
1Бунёдкор716
2Пахтакор715
3Бухоро715
4Насаф612
5Навбаҳор711
6Металлург79
7Қўқон-191268
8АГМК78
9Қизилқум76
10Локомотив65
11Сўғдиёна64
12Нефтчи72
Ёшлар лигаси
#КлубЎО
1Бухоро715
2Металлург714
3Бунёдкор713
4Қизилқум713
5Пахтакор711
6Нефтчи710
7Насаф710
8Навбаҳор78
9Локомотив77
10АГМК77
11Қўқон-191276
12Сўғдиёна71