10 май куни Россия пойтахти Москва шаҳрида Меҳрибонлик уйлари ўртасида Жаҳон чемпионати старт олди.

Ушбу турнирда тарихда биринчи маротаба Ўзбекистон терма жамоаси ҳам иштирок этмоқда. Мундиалда 14-17 ёшдаги футболчилар иштирок этишмоқда.

Ўзбекистон терма жамоаси гуруҳда Покистон билан 0:0 ҳисобида дуранг ўйнашди, Россияни эса 2:0 ҳисобида мағлуб этиб гуруҳдан чиқишганди. Чорак финалда вакилларимиз Непални 2:1 ҳисобида таслим қилиб ярим финалга чиқишганди.

Бугун ярим финалда ҳамюртларимиз Бурундини 1:0 ҳисобида мағлуб этиб финалга чиқишди!

16 май куни финалда Ўзбекистон Покистон билан ўйнайди.