Жорий йилнинг 17 июнь куни Равшан Ҳайдаров бошчилигидаги Ўзбекистон олимпия терма жамоаси ўқув-машғулот йиғинлари ўтказиш учун Туркияга Жўнаб кетгани ҳақида хабар бериб ўтган эдик.

Терма жамоамиз аъзолари Туркиянинг Картепе шаҳрида жойлашган спорт базасида кунига 2 маҳалдан машғулотларда қатнашишмоқда.

Ўзбекистон футбол ассоциацияси олимпия терма жамоасига, йиғин давомида максимал тайёргарлик кўриши учун бир қатор шарт-шароитларни яратиб бермоқда.Жумладан 28 июнь куни Туркия йиғини доирасида олимпия терма жамоамиз вакиллари Уммон олимпия терма жамоасига қарши ўртоқлик учрашувида майдонга тушади.

Эслатиб ўтамиз ушбу терма жамоа 2018 йилнинг 18 августидан 2 сентябрга қадар Индонезияда бўлиб ўтадиган Ёзги Осиё ўйинларида иштирок этади.