Ўзбекистон футболи
Жаҳон футболи
Фарғона футболи
FC Qo'qon

Создайте свою визитку
Ўзбекистон Кубоги қуръасининг формати маълум қилинди

13.11.2020

Эртага — 14 ноябрь куни Ўзбекистон Coca Cola кубогига қуръа ташлаш маросими бўлиб ўтади.

Қуръа “Спорт” телеканали орқали тўғридан-тўғри эфирга олиб чиқилади. Телеканал билан келишувга кўра, соат 17:00 дан бошлаб ЎзПФЛ раҳбари футбол мухлислари томонидан бериладиган саволларга жонли эфирда жавоб қайтаради. Қуръа ташлаш эса савол-жавобдан кейин бўлиб ўтади.

ЎзПФЛ мағлуб жамоа мусобақа билан хайрлашадиган формат масаласида клублар билан келишиб олганди. Шу тариқа қуръа қандай форматда ўтиши масаласи очиқ қолганди. Яъни, вақт қисқа эканидан келиб чиқиб, шунингдек, клублар йўл чипталари, меҳмонхона масалаларини ҳал қилишлари лозимлиги инобатга олиниб, ЎзПФЛ биринчи вариант сифатида финалгача бўлган эҳтимолий рақибларни биргина қуръа ёрдамида аниқлаш масаласини ўртага ташлади.

Қўшимчасига, ҳар бир босқич учун алоҳида қуръа масаласи келтириб ўтилди. ЎзПФЛ сўнгги икки мавсумдан буён мана шу форматда кубок беллашувларини ўтказди ва бу табиийки, турнирга бўлган қизиқишни анча ошди. Бунда чорак финалга йўл олган жамоалар учун алоҳида, шунингдек, ярим финалга йўл олган клублар учун яна алоҳида қуръа ташлаб берилади.

16 клуб орасидан “Қизилқум”, “Андижон”, “Пахтакор” ва АГМК биринчи вариантни афзал билди. Бирйўла 10 клуб — “Насаф”, “Қўқон-1912”, “Локомотив”, “Бухоро”, “Навбаҳор”, “Сўғдиёна”, “Бунёдкор”, “Металлург”, “Оқтепа” ва “Шўртан” иккинчи вариантни маъқул кўрди. “Машъал” эса бетараф бўлди.

Шу тариқа ЎзПФЛ иккинчи вариантни танлаб олди. Режага кўра, Ўзбекистон Coca Cola кубогининг 1/8 финал босқичи 7-8 декабрь кунлари ўтказилади. ¼ финал учрашувлари 12 декабрда, ½ финал 16 декабрда ва финал учрашуви 20 декабрда бўлиб ўтади. Дастлабки босқичда 8 та учрашув бўлиб ўтиши, уларнинг иложи борича кўпроғини трансляция қилиш имкони бўлишидан келиб чиқиб, учрашувлар икки кунга белгиланди. Бунда географияси нисбатан узоқроқ бўлган жамоалар биринчи бўлиб майдонга тушиши масаласи инобатга олинади, боиси, уларда тикланиш учун камроқ имконият бўлади. Шунингдек, “Спорт” канали билан ўзаро фикр алмашилиб, водий ёки воҳа жамоаларининг иложи борича бир кунда тўп сурмаслиги масаласига ҳам эътибор қаратилиши мумкин.

Жамоаларда келаси учрашувларга тайёрланиш имконияти кўпроқ бўлиши учун, ЎзПФЛ қуръа маросимини ўйинлар якунига етиши билан ташкил қилади.

Манба: pfl.uz
Coca Cola Суперлига
#КлубЎО
1Пахтакор2459
2Насаф2552
3АГМК2546
4Бунёдкор2542
5Қўқон-19122541
6Металлург2536
7Навбаҳор2534
8Сўғдиёна2534
9Локомотив2434
10Машъал2526
11Қизилқум2524
12Сурхон2517
13Андижон2516
14Бухоро2514
U-21 биринчилиги
#КлубЎО
1Металлург2458
2Пахтакор2453
3Насаф2452
4Навбаҳор2442
5АГМК2439
6Қизилқум2433
7Локомотив2431
8Бухоро2428
9Бунёдкор2428
10Андижон2424
11Сўғдиёна2421
12Сурхон2421
13Машъал2417
14Қўқон-19122416