18.07.2024

Bugun ayollar oʻrtasida oʻtkaziladigan OFK Chempionlar ligasi saralash bosqichiga qurʼa tashlandi.

Saralash bahslarida Oʻzbekiston sharafini “Nasaf” ayollar jamoasi himoya qiladi. “Ajdarlar” OCHL guruh bosqichida ishtirok etish uchun “C” guruhida Malayziyaning “Sabah” va Nepalning “APF” klubiga qarshi oʻynaydi.

Saralash bosqichi oʻyinlari 25dan 31-avgust oraligʻida boʻlib oʻtadi.

Agar “Nasaf” bahslarni muvaffaqiyatli yakunlasa guruh bosqichida “Vuxan Jianda” (Xitoy), “Xyonde Stil Red Angels” va “A” saralash guruhi gʻolibi bilan oʻynaydi.