04.08.2017

Бразилиялик футбол юлдузи Нейман расман “ПСЖ” аъзосига айланди. Бу ҳақда парижликлар расмий сайти хабар тарқатди.

Энди “Барселона”нинг собиқ футболчисига айланган Неймар “ПСЖ” билан 5 йиллик шартнома имзолади. Футболчи 10-рақамли футболкада ўйнайдиган бўлди.

Норасмий маълумотларга қараганда, бразилиялик футболчи йилига янги жамоасида 26,8 млн фунт (30 млн евро) маош олади.

Футболчининг вакиллари “Барселона”га 222 миллион евро тўлаб, каталонияликлар билан шартномани бир томонлама бекор қилишди.

Шу тариқа, Неймар Поль Погбага тегишли бўлган рекордни янгилади. Франциялик ярим ҳимоячи ўтган йилнинг ёзида «Ювентус»дан «Манчестер Юнайтед» 105 миллион евро эвазига ўтганди.