«Реал» Криштиану Роналдунинг дисквалификациясига апелляция беради.

Мадрид клуби Испания Қироллик футбол Федерациясига дисквалификацияни қисқартириш бўйича апелляция тақдим этади.

Роналду Испания Суперкубоги доирасидаги «Барселона»га қарши ўйинда (3:1) қизил карточка олгач бош ҳакам Рикардо Бенгоэчеани туртиб юборди. Шу боис португалиялик футболчи бешта ўйинга четлатилди ва клубга жарима солинди.

Роналду «Барселона»га қарши жавоб ўйинини ўтказиб юборади ва Испания чемпионатининг дастлабки тўртта туридан ўрин олган «Депортиво», «Валенсия», «Леванте» ва «Реал Сосьедад»га қарши баҳсларда иштирок этмайди.