ФИФА Қувайтни ташкилот аъзолигига қайтаришга қарор қилди, дея хабар қилмоқда Al Arabiya нашри. ФИФА давлатнинг спорт ташкилотларига аралашуви сабаб, ўтган йилнинг май ойида Қувайтни ташкилот аъзолигидан четлатган эди. ФИФА январда мамлакат олдига бир нечта шарт қўйганди. Улар орасида спорт соҳасидаги қонунларни тартибга солиш; Миллий олимпия қўмитасининг собиқ раҳбарини ўз лавозимига қайтариш; ҳамда ФИФА ва ХОҚ ташкилотларига қарши ёзилган аризаларни қайтариб олиш каби шартлар бўлган.