«Барселона»нинг собиқ футболчиси Ривалдо ҳамюрти Неймарнинг «кўк-анорранглилар» сафига қайтиши мумкинлиги ҳақидаги хабарларга тўхталиб, унга тегишли маслаҳат берди: «Неймар «Барселона» мухлисларидан узр сўраган ҳолда, фақатгина шу жамоа сафида энг яхши ўйинларини намойиш қилиш имкониятига эга бўлишини тан олиши лозим. Футболчи шундай йўл тутса, «Барса» фанатлари уни хурсандчилик билан қабул қилишади. Ҳа, трансфер амалга ошиши учун Неймар маоши пасайишига ҳам кўниши керак. Муҳими, агар футболчи қайтса, майдонда ҳам, унинг ташқарисида ҳам ўзини бахтли ҳис қила бошлайди. Демакки, молиявий йўқотишдан кўз юмса бўлади. Ҳамма билади, Неймар фаолиятидаги энг яхши ўйинларини «Барселона»да кўрсатиб, кўплаб совринларни қўлга киритди…».