«Брага» клуби ҳужумчиси Франсишку Тринкау келажакда «Барселона» ўйинчисига айланиши мумкин.

«Кўк-анорранглилар» футболчининг трансферини ёзда сотиб олиш ҳуқуқини қўлга киритди. “Барса” ҳужумчиси Абель Руиснинг “Брага”га ўтиши борасида музокара чоғида Тринкаунинг ҳам трансфери ҳал қилинди.

Франсишкуга «Ювентус» ҳам қизиқиш билдираётган эди. Туринликлар спорт директори Фабио Паратичи футболчининг агенти Жорже Мендеш билан учрашув ўтказган эди.

«Брага» Тринкаунинг трансфери учун 20 миллион евро олишни истаган эди. «Ювентус» эса аввал уни ижарага олиб, кейин ҳужумчини 15 миллион еврога сотиб олиш таклифини берган эди.

Матбуотда Тринкауни «янги Криштиану» деб аташмоқда. Унинг ташқи кўриниши Роналдуга ўхшайди. Футболчи 2018 йилда бўлиб ўтган EURO U19 мусобақасида 5та гол урган эди.