18.08.2017

Хабарингиз бор, “Шўртан”нинг ёшлар жамоаси жорий мавсумни собиқ тажрибали футболчимиз – Асрор Алиқулов қўл остида бошлаб, турнир жадвалида етакчи жамоалардан бирига айланганди. Шундай бўлсада, клубимиз раҳбарияти ёш “оқ бўрилар”ни келгуси ўйинларга тайёрлаш вазифасини янги мураббийга топширишни лозим кўрди.

Эндиликда ёшларимизни чемпионат учрашувларига,  ўзбек футболига бегона бўлмаган, 1973-йил, 22 ноябрьда таваллуд топган, асосий футболчилик фаолиятини Янгиернинг “Янгиер” жамоасида ўтказган,  Фарғонанинг “Нефтчи” жамоасида ҳам тўп сурган, сўнгра эса бош мураббий вазифасида бир неча йил аввал Каттақўрғоннинг “Динамо-Каттақўрғон”, Янгиернинг “Янгиер” жамоасини ҳамда Тошкентнинг “Чуст Пахтакор” ва “Обод” жамоаларида ҳам бош мураббий сифатида фаолият юритган – Хайрулло Абдиев тайёрлайдиган бўлди, дея хабар қилмоқда “Шўртан” матбуот хизмати.

Асрор Алиқулов эса жамоамизнинг асосий таркиб мураббийлар штабига жисмоний тайёргарлик бўйича мураббий вазифасига ўтказилди.
Манба: www.fcshurtan.uz