Кейинги мавсумдан бошлаб Испания клублари ҳакамларни турли совғалар билан сийлай олмайди.

Мамлакат футбол федерацияси бу ҳақда тегишли қарорни қабул қилишни режалаштирмоқда.

Маълумки, ҳакамларга ҳар хил совғаларни бериш Испания футболида кенг тарқалган. Хусусан, «Реал», «Барселона», «Атлетик», «Сосьедад» ва «Вильярреал» клублари ўз майдонида ўтказиладиган ўйинлардан сўнг, ҳакамларга турли хил эсдалик совғалари, значок, байроқча, авторучкалар, футболкаларни беришади.

Энди турли хил гап сўзлар ва можароларни олдини олиш мақсадида бу амалиётга тақиқ қўйилади.