22.08.2019
“Қўқон-1912” жамоаси футболчилари суперлиганинг навбатдаги 18-тур урашувини ўз майдонларида Қаршининг “Насаф” жамоасига қарши ўтказади. Азиз Тўхтабоев шогирдлари мазкур учрашувга жиддий ҳозирлик кўришмоқда. Сўнгги уч ўйинни ғалаба билан якунлаган “шунқорлар” ўз мухлисларини хурсанд қилишда давом этишни мақсад қилганлар.
Тошкент шаҳрида давом этаётган машғулотларда барча футболчилар астойдил тер тўкишмоқда. Жароҳатидан фориғ бўлган Александр Мерзляков алоҳида машғулотларда иштирок этаётган бўлса, Иқбол Маликжонов умумий гуруҳ машғулотларига қўшилган. Фарғонанинг “Нефтчи” жамоасидан таклиф қилинган ёш ҳужумчи Хамидилло Абдуҳамидов эса жароҳатини даволашда давом этмоқда.
Футболчиларимизнинг кайфиятлари айни кунларда аъло даражада. Жамоа раҳбарияти футболчиларга барча шароитларни яратиб бериш учун бор имкониятларини ишга солишмоқда. Барча ҳаракатларимиз “Насаф”га қарши учрашувда ўз самарасини беради деб умид қиламиз. Навбатдаги ғалаба сари олға ҚЎқон !!!