Ўзбекистон футболи
Жаҳон футболи
Фарғона футболи
FC Qo'qon

Создайте свою визитку
ОФК онлайн конференция ўтказди. Унда ОЧЛ тақдири кўриб чиқилди

03.06.2020

ОФК Осиё чемпионлар лигасининг кейинги ўйинларига бағишлаб онлайн конференция ташкил этди.

Бунда асосан Осиё чемпионлар лигасининг навбатдаги учрашувларини қай тарзда ўтказиш масаласи кўриб чиқилди. Ушбу конференцияда Шарқ минтақасидан Австралия, Хитой, Япония, Жанубий Корея, Малайзия, Таиланд ва Ғарб минтақасидан Эрон, Қатар, Саудия Арабистони, БАА, Ўзбекистон клублари вакиллари иштирок этишди.

ОФК биринчи навбатда Осиё чемпионлар лигасини имкон қадар тезроқ давом эттиришни мақсад қилган. Энг муҳими, мусобақани декабрь ойигача тугатиб олиш. Чунки декабрда Қатарда клублар ўртасидаги жаҳон чемпионати ўтказилади, унгача эса ОФК ОЧЛ ғолибини аниқлаб олиши лозим бўлади. Буёғига яна 99та ўйин қолган ва коронавирус пандемияси сабаб ўйинларни ўтказиш осон бўлмайди.

ОФК мусобақалар қўмитаси бугунги учрашувда клубларга ОЧЛ қачон ва қандай тартибда давом этишини кейинроқ маълум қилишини айтди. Катта эҳтимол билан марказлашган ҳолда учрашувларни ўтказиш варианти илгари суриляпти. Шунингдек, қўмита вакиллари кеча ОФК Кубогининг Ғарб минтақаси иштирокчилари билан ҳам мулоқот ташкил этишди. Эндиликда Жануб, Марказий, АСЕАН ва Шарқ вакиллари билан шундай учрашув ўтказиш кўзда тутилмоқда.

Албатта, ОФК фақат клублар ўртасидаги иккита катта мусобақани қандай тугатиб қўйиш билан овора бўлиб қолаётгани йўқ. Ташкилот олдида шунингдек, ЖЧ-2022 саралаш босқчини қай тарзда давом эттириш ҳамда футзал бўйича Осиё чемпионати, U-19, U-16 Осиё чемпионатларини бехавотир ўтказиб олиш вазифаси ҳам турибди.

Coca Cola Суперлига
#КлубЎО
1Пахтакор821
2АГМК820
3Бунёдкор816
4Қўқон-1912815
5Насаф815
6Навбаҳор814
7Металлург813
8Локомотив812
9Сўғдиёна811
10Машъал86
11Андижон85
12Сурхон84
13Қизилқум82
14Бухоро82
U-21 биринчилиги
#КлубЎО
1Металлург819
2Насаф818
3АГМК818
4Пахтакор817
5Локомотив89
6Андижон89
7Қизилқум88
8Навбаҳор88
9Сўғдиёна87
10Сурхон87
11Қўқон-191286
12Бухоро86
13Бунёдкор86
14Машъал83